Stafræn umbreyting

Karl og kona eru að tala saman á skrifstofu. konan er með gleraugu og brosir.

Á undanförnum árum hafa orðið gríðarlegar breytingar á tækni og þá sérstaklega upplýsingatækni. Með þessari framþróun hafa orðið verulegar breytingar á því hvað hægt er að gera og tilkostnaðinum sem af því hlýst. Þetta þýðir að fyrirtæki þurfa nú að endurskoða frá grunni hvernig þau nýta upplýsingatækni. Við sjáum þörf fyrir verulegar breytingar á verkferlum og störfum en með þeim breytingum þarf færri einstaklinga til að sinna stoðþjónustu. Sé allt rétt gert geta rekstraraðilar því hagrætt og sótt sér annan ávinning. Það er því eftir miklu að fara og í raun lífsnauðsynlegt fyrir rekstraraðila að fylgjast vel með og hreyfa sig hratt en þó ekki of hratt.

Hvernig skilgreinum við stafræna umbreytingu?

Stafræn umbreyting (e. digital transformation) er leið til framþróunar með því að taka upp stafrænar lausnir með það að markmiði að draga úr kostnaði en á sama tíma að bæta þjónustustig og auka upplýsingagjöf til hagaðila. Með nýjum tæknilegum lausnum má skipta út jafnt stafrænum sem og handvirkum ferlum fyrir mun sjálfvirkari stafræna ferla. Að ná stafrænum viðskiptaþroska er eitthvað sem rekstraraðilar þurfa að huga að enda hagkvæmara og umhverfisvænna verklag en það sem í notkun er í dag.

Það má því segja að stafræn umbreyting eigi sér stað þegar fyrirtæki byrja að nýta sér stafræna tækni og gögn til að auka ávinning sinn, breyta eða skipta út ferlum þannig að stafræn tækni sé nýtt og ýta þannig undir stafræn viðskipti.

< Eldri færslur

Nýrri færslur >

Sessor opnar starfstöð í Vestmannaeyjum

Eftir Lena Brynjarsdóttir • 5. mars 2025

Við erum spennt að tilkynna opnun nýrrar starfsstöðvar í Vestmannaeyjum. Með því styrkjum við þjónustu okkar fyrir fyrirtæki í Eyjum og á Suðurlandi og veitum betra aðgengi að sérhæfðri ráðgjöf í fjármálum, bókhaldi og upplýsingatækni. Starfsstöðin verður í Þekkingarsetrinu í Vestmannaeyjum, og við erum stolt af því að Björg Hjaltested hefur gengið til liðs við okkur sem rekstrarstjóri starfsstöðvarinnar. Hún mun leiða starfsemina og styðja fyrirtæki á svæðinu með sérhæfðri ráðgjöf og lausnum sem styrkja fjármálastjórnun og tryggja skilvirkara flæði upplýsinga í rekstri.

Arna Dan til liðs við Sessor

Eftir Lena Brynjarsdóttir • 17. febrúar 2025

Sessor eflir þjónustu sína í aðfangastýringu með ráðningu Örnu Guðlaugsdóttur. Arna hefur víðtæka reynslu af innkaupaferlum, birgðastýringu og vöruhúsarekstri og hefur starfað hjá fyrirtækjum á borð við Controlant, Bioeffect og Krónuna. Þar hefur hún unnið með alla þætti aðfangastýringar, allt frá stefnumótun, innkaupaáætlunum til rekstrar vöruhúsa og nýtingar birgða. Þekking hennar á ferlastýringu, sjálfvirknivæðingu og gagnaöflun í rekstri fellur vel við þjónustu Sessor og styður við þróun lausna sem auka skilvirkni og bæta rekstraryfirsýn viðskiptavina.

Samstillt kerfi og skýr strúktúr

Eftir Lena Brynjarsdóttir • 8. nóvember 2024

Nýtt ár býður upp á einstakt tækifæri til að staldra við og skoða hvernig tæknin styður við daglegan rekstur fyrirtækisins. Eru kerfin og verkfærin að mæta þörfum okkar eða er eitthvað sem mætti fínstilla til að gera vinnuflæðið einfaldara og skilvirkara? Stundum er besta leiðin að bæta það sem þegar er til staðar, en í sumum tilvikum er rétt að skoða hvort nýjar lausnir gætu hjálpað betur við að ná settum markmiðum.

Karl og kona sitja við borð og horfa á blað.

Útvistun upplýsingatæknistjóra - Tæknilausnir á hagkvæmari hátt

30. maí 2024

Á síðustu árum hefur útvistun upplýsingatæknistjóra (CIO - Chief Information Officer) og annarra stjórnendastaða orðið síalgengari. Með sívaxandi kröfum um tækninýjungar og öryggi leita mörg fyrirtæki leiða til að hámarka skilvirkni og lágmarka kostnað. Útvistun upplýsingatæknistjóra hefur reynst vera áhrifarík lausn í þessu samhengi...

Sjá meira