Úttekt á tækninýtingu og verklagi

Kona í svörtum kjól brosir fyrir myndavélinni.

Hámörkun tækninnar

Mörg fyrirtæki búa yfir öflugum tæknilausnum en án stefnumótunar og samþættingar við ferla er auðvelt að missa af þeim ávinningi sem tæknin getur veitt. Hjá Sessor framkvæmum við óháða úttekt á verklagi og nýtingu tæknilausna sem veitir stjórnendum skýra mynd af stöðunni. Við skoðum núverandi ferla, afkastagetu og hvernig tæknin styður við lykilverkefni með áherslu á að hámarka virkni og nýtingu hennar.

Hámörkun tækninnar

Fjölmörg fyrirtæki búa yfir öflugum tæknilausnum en án skýrrar stefnu og tengingar við daglegt verklag nýtist tæknin oft ekki sem skyldi. Þegar lausnir vinna í einangrun, án tengingar við verklag eða styðja ekki nægilega við lykilverkefni, dregur það úr afköstum og mögulegum ávinningi.


Hjá Sessor framkvæmum óháða úttekt á verklagi og nýtingu tæknilausna með það að markmiði að greina hvernig ferlar, kerfi og tækniumhverfi vinna saman. Sérstök áhersla er lögð á að meta afkastagetu, verkaskiptingu og hvort tæknilausnir styðja við daglegan rekstur, ákvörðunartöku og framkvæmd verkefna.


Niðurstöðurnar veita stjórnendum skýra yfirsýn og raunhæfan grunn til að forgangsraða, samræma verklag og auka nýtingu tækninnar með skýrari tengingu við starfsemina í heild.

Úttektin

01

Nýting tæknilausna

Hvernig eru núverandi lausnir nýttar og hver eru tækifærin til að bæta þessa nýtingu?

02

Sjálfvirknivæðing

Hvar er hægt að auka sjálfvirkni til að draga úr handvirkum ferlum og einfalda verk?

03

Innleiðing tæknilausna

Er tæknin í takt við ferlana eða er hún notuð á ómarkvissan hátt?

04

Samþætting kerfa

Eru kerfin þín nægilega samhæfð til að styðja heildstætt við viðskiptaferla?

05

Rauntímaupplýsingar

Eru stjórnendur með aðgang að gögnum sem veita skýra mynd af stöðunni í rauntíma?

06

Ávinningur af tækninni

Skilar tæknin þeim ávinningi sem ætlast var til eða eru tækifæri til að hámarka fjárhagslegan og rekstrarlegan ávinning?

Víðtæk reynsla okkar tryggir hagræðingu

Við búum yfir margra ára reynslu af því að greina og endurskipuleggja ferla með tæknilausnir að leiðarljósi. Við vinnum að hagræðingu og betra upplýsingaflæði með það að markmiði að þú fáir sem mest út úr tækninni sem þú hefur fjárfest í.

Hafa samband