Heildarsýn og raunstaða tæknimála

Að hafa skýra mynd af stöðu upplýsingatæknimála er lykilforsenda þess að hægt sé að forgangsraða og stýra umbótum með markvissum hætti. Án raunhæfrar greiningar á núverandi umhverfi og tækniþáttum er erfitt að taka upplýstar ákvarðanir um þróun, fjárfestingar eða breytta notkun kerfa.

Við hjá Sessor bjóðum upp á óháða úttekt sem gefur heildstæða yfirsýn yfir tæknimál fyrirtækisins. Við metum hvernig tæknikerfi og lausnir styðja við reksturinn í dag og hvar tækifæri eru til hagræðingar, betri samþættingar og aukinnar sjálfvirkni.

Úttektin er fyrsta skrefið að faglegri stjórnun tæknimála. Hún veitir skýra yfirsýn og raunhæfan samanburð sem nýtist til að móta stefnu, forgangsraða og hrinda aðgerðum í framkvæmd. Sérstök áhersla er lögð á að greina hvernig tæknilausnir styðja við daglegan rekstur, ákvarðanatöku og hvort þær endurspegla raunverulegar þarfir viðskiptaferlanna.